Lamung mare kaw gasat gala majan byin ai hta mungmasha marai 1 hkala hkrum

KIA Dap Ba ( 2 ) ginra, Lamung mare kaw April praw 8 ya jahpawt hkying 2:30am aten kawn hkying 5:45am aten du hkra, Hk.L.Y ( 86 ), hte Lamung mare na Pyi Tu Tsit ( P.T.Ts ) pawng hpawm hpyen hpung ni hte KIA hpyen hpung ni gasat gala majan byin ai lam, shawnglam shisawk ni shana wa ai.

Gasat gala byin ai Lamung mare maga de ( D.K.Ts ) hpyen dap kawn laknak kaba hte gap bun dat ai majaw, Lamung mare na mying nchye  ai mungmasha la marai 1 hkra hkala nna, dai mungmasha hpe ( D.K.Ts ) hpyen dap kaw woi tawn ai lam chye lu ai.

Jahpawt hkying 9:45am aten hta gaw Myen hpyenla ni kawn Lamung mare na Salang Nran Dan Hkawng, Slg. Lazum Seng Du hte Slg. Kadau Tang ni hpe ( D.K.Ts ) hpyen dap de rim woi mat ai re.

Rim woi mat hkrum ai mungmasha marai 3 hpe mare uphkang salang ni hte makam masham sara ni hpyen dap kaw sa tsun nna, bai dat ya sai lam buga masha ni kawn chye lu ai.