Hpyen yen Mungshawa ni hpe gumhpraw garum ntum jaw

Jinghpaw Mungdaw Hkringmang Daju Dr. Hkyet Awng a madu jan Dr. J Kaw Bu woi awn ai လူမွူဝန္ထမ္းကယ္ဆယ္ေရးဦးစီး႒ာန kawn April praw, 10 ya shani hkying 10:00am aten hta hpyen yen Mungshawa ni kaw na Asak ( 5 ) ning npu Ma kaji marai langai  mi hpe Ks;- 50,000, Ma hkum hte Ma kanu langai mi hpe Ks;- 100,000 hte daw hten mat ai marai langai mi hpe Ks;- 200,000, yawng marai ( 33 ) hpe gumhpraw Ks;- 3,750,000 sa du garum jaw ai lam na chye lu ai.

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8, 34 ) ginra kata hta TNLA hte RCSS/SSA, Myen hpyen pawng hpawm hpyen hpung ni gasat majan byin ai majaw Sinli mare de hpyen koi yen nga ai Mungshawa ni hpe April praw, 10 ya shani SNLD ni kawn lit la nna yawng marai ( 346 ) hpe tinang a dum nta de bai sa ya nga ai lam chye lu ai.