Myen hpyen hpung ni Chong Wa ေခ်ာင္းဝ kaw Mungshawa ni hpe san jep nga

KIA Dap Ba ( 2 ) Dap Dung ( 14 ) ginra hta mung Lai Nawng Sut mare kawn pru wa ai Mungshawa ni hpe April, 14 ya shani hkying 1:00pm aten Myen hpyen hpung ni Chong Wa ေခ်ာင္းဝ kaw gahkin mahkawng tawn nna Num, La hte Ma kaji ni hpe lak san garan kau nna san jep nga ai lam na chye lu ai.

Myen hpyen hpung ni kawn n-gun naw rawng ai La nkau mi hpe nam de Lam madun na matu woi hkawm ai hte Phone matut mahkai galaw yang gap sat kau na ngu mung tsun jahkrit ai. Chong Wa ေခ်ာင္းဝ kaw chyat rawng nga ai Mungshawa ni hpe shapraw  na matu April, 15 ya shani Modo ( 10 ) hte wa htaw shapraw la na matu lung wa sai rai tim shapraw ya na n shapraw ya na gaw naw la yu ra ai nga nna buga masha langai tsun wa ai kawn chye lu ai.