Myen hpyen hpung ni Mungshawa ni hpe san jep nga

KIA Dap Ba ( 2 ) Dap Dung ( 17 ) ginra Pang Law mare kaw shara jahkrat nga ai Myen hpyen dap Hk.M.Y ( 368 ) dap ni kawn April, 19 ya shani Hu Hap mare masha ni hpe htinggaw jahpan san jep ai hta dai mare na Mungshawa ni law malawng gaw htinggaw jahpan nlu galaw ai lam na chye lu ai.

Jinghpaw Mungdaw Red Cross Komiti Ningbaw Saraဦးဂဲနက္စ္ woi awn ai hpung ni April, 19 ya shani hkying 1:05pm aten hta Danai Awng Lawt hpyen yen Mungshawa ni hpe garum na matu Red Cross Modo ( 6 ) hte Myen hpyen la marai ( 6 ) shim lam la nna Myitkyina maga kawn Danai de rawt sai lam chye lu ai.