Myen hpyen hpung ni laknak kaba ni hte gap, Nbungli hte Bom jahkrat bun ai majaw Mungshawa ni hpyen koi yen nga

KIA Dap Ba ( 2 ) Dap Dung ( 11 ) ginra Pyi Dawng hte Nyawng Taw mayan kaw nga ai Myen hpyen hpung ni gaw KIA hpyen hpung ni nga ai H.Q maga de April, 20 ya shani hkying 3:30pm aten hta Jet Nbungli ( 2 ) hte numdaw ( 2 ) lang wa pyen gawai, Sinat kaba gap sharu bun, Bom ( 7 ) lang wa jahkrat bun ai majaw Kasung Zup mare kaw na Mungshawa marai ( 400 ) jan gaw Buga Hpung Nawku Jawng Wang kaw hpyen koi yen nga ai hte Mungshawa n kau mi gaw nam de hprawng koi yen nga ai lam na chye lu ai.

April, 20 ya shani hkying 11:50am aten hta Awng Lawt mare grup yin na hpyen yen Mungshawa ni hpe wa shaw la na matu ကခ်င္ျပည္နယ္ ၾကက္ေျခနီ hte Danai Muklum ၾကက္ေျခနီ pawng hpawm nna Modo kaji kaba yawng ( 15 ) hte lung wa sai lam na chye lu ai.

Shani hkying 1:05pm aten hta Awng Lawt mare Danai Hka kau kaw du nga sai lam chye lu ai.

KIA Dap Ba ( 8 ) Dap Dung ( 26 ) ginra hta mung H.Q Relay kawng ntsa kaw April, 20 ya shani hkying 1:55pm hte hkying 2:10pm aten laman KIA hpyen hpung ni hte Myen hpyen dap ni gasat majan byin ai lam shawng lam shi sawk ni kawn chye lu ai.