Jarit Mayan Hpyenyen Ramma Hkrum Zup Bawngban Sharin Hpawng Galaw

( 4 ) Lang Na Ginjaw Ginra, Gingwang Ginjaw, Jarit Mayan Hpyen Yen Ramma Hkrum Zup Sharin Bawngban Hpawng hpe Hpunlum Yang IDPs Camp kaw April, 23-28 ya laman galaw sa mat wa na re lam chye lu ai.

Hpawng hta sa du shang lawm ai Ramma ni gaw, Nawng E Hku buga kaw nna marai ( 65 ), Woi Chyai IDPs Camp kaw na marai ( 48 ), Hpunlum Yang IDPs Camp kaw na marai ( 186), Pa Jau kaw na marai ( 30 ), Maga Yang kaw na marai ( 28 ), Laiza kaw na marai ( 9 ), Masat Shadaw ( 6 ) kaw na marai ( 21 ), Masat Shadaw ( 8 ) kaw na marai ( 15 ), Mung Seng Yang kaw na marai ( 4 ), Hkau Shau kaw na marai ( 1 ), Myitkyina kaw na marai ( 2 ), Putao kaw na marai ( 1 ), Dum Bung kaw na marai ( 15 ), Shait Yang kaw na marai ( 55 ), Je Yang kaw na marai ( 364 ) hte Myu Rap kaw na marai ( 6 ) yawng marai ( 850 ) re lam chye lu ai.

Ramma sharing hpawng hpe lai wa sai 2014 ning kaw nna galaw hpang wa ai rai nna 2017 ning hta gaw hpyen masa mungmasa a majaw gan jahkring da ra mat ai. Dai ning gaw kalang bai n-gun da ting let ( 4 ) lang ngu na sharin hpawng hpe woi awn galaw sa wa ai re lam hte ya na zawn Ramma ni hpe Ginjaw Komiti kaw nna mung hkrum shaga ai lamang re nga nna Jarit Mayan Hpyen yen Ramma Komiti Ningbaw tsun ai kawn chye lu ai.

Shawng nnan Jarit Mayan Hpyenyen Ramma Sharin Hpawng hpe Zai Awng Camp kaw galaw hpang ai. No ( 2 ) lang ngu na hpe Maga Yang Camp kaw galaw ai rai nna No. ( 3 ) lang ngu na hpe Je Yang Camp kaw Ramma ni yawng marai ( 1000 ) jan sa du sharin ai lam nga lai wa sai hpe mung chye lu ai.