Myen hpyen hpung ni hte KIA hpyen hpung ni gasat majan byin
KIA Dap Ba ( 1 ) Dap Dung ( 4 ) ginra hta dai hpawt April, 28 ya jahpawt daw hkying 5:00am aten hta Njang Hka hku Pungse Zup de shang wa ai Myen hpyen hpung ni hpe KIA hpyen hpung ni hkap shingla gasat dat ai kawn gasat majan byin wa ai lam shawng lam shi sawk ni kawn chye lu ai.
April, 27 ya shana daw hkying 3:00pm aten hta Deng ( 18 ) Pung Swi Yang kawn shamu shamawt lung wa ai Myen hpyen hpung ni hte KIA hpyen hpung ni Deng ( 21 ) kaw gasat majan byin ai.
KIA Dap Ba ( 2 ) ginra hta mung Zup Mai mare maga kaw na shamu shamawt yu wa ai Myen hpyen hpung ni hpe KIA hpyen hpung ni Zup Mai mare hte Ut Ju Dabang lapran kaw hkap gap dat ai kawn gasat gala majan byin wa ai lam chye lu ai.
