Myitkyina Muklum kata lam hkawm shawa n-gun mkadun lamang galaw

Majan a majaw pat shing dang da hkrum nga ai hpyen yen Mungshawa ni hpe lawan dat ya na matu shawa n-gun madun lamang hpe Myitkyina Muklum kata na Wunpawng Ramma ni woi awn nhtawm April, 30 ya jahpawt hkying 8:00am aten kawn shani hkying 11:00am aten du hkra Myitkyina Muklum hpe shing grup lam hkawm shawa n-gun madun lamang galaw ai lam chye lu ai.

Jinghpaw Mung ginra shagu ni hta Myen hpyen hpung ni hte KIA hpyen hpung ni gasat majan grau nna byin wa ai majaw Mungshawa ni marai ( 2000 ) jan ram Nam hkan hpyen koi yen nga ra ai Ma gun kanu ni, Asak kaba sai gum gai dingla ni hte Ma kaji ni machyi makaw hkrum ai hte malu masha yak hkak ai lam hkrum sha nga ai hpyen yen Mungshawa ni hpe shim lum ai shara de lawt pru wa na ahkaw ahkang jaw ya na matu yaw shada let shawa n-gun madun lamang galaw ai re lam chye lu ai.

Lam hkawm shawa n-gun madun lamang galaw ai hta Myitkyina Muklum kata na Mungshawa ni yawng marai ( 3000 ) jan gaw “ပိတ္မိျပည္သူမ်ားကို အျမန္လြတ္ေပးပါ” ၊ “ျပည္သူသည္ရန္သူမဟုတ္ပါ” ၊ “ လူ႔အခြင့္အေရးခ်ဳိးေဖာက္မွူရပ္”  ngu ai Maisau pa ni hpe hpai nna lam hkawm shawa n-gun madun lamang hpe Myitkyina Manau Wang kawn lam hkawm shawa n-gun madun mat wa nna Manau Wang hta bai wa zup ai lam chye lu ai.