KIO Ginjaw a Ntsa N teng N man Shiga Tsun Shabra nga ai hte seng ai lam
Ndai aten laman Facebook shiga ni hta KIO Ginjaw Komiti salang ni shada da myit hpai shai hkat ai majaw n hkrum n ra dumbru dumbra ayai aya byin nga ma ai ngu n teng n man shiga shachyam shabra nga ai hpe mu chye lu ai.
Dai nteng nman ai Facebook shiga amyu myu ni hpe Mungshawa law law gaw, kaja wa teng
Ndai aten laman Facebook shiga ni hta KIO Ginjaw Komiti salang ni shada da myit hpai shai hkat ai majaw n hkrum n ra dumbru dumbra ayai aya byin nga ma ai ngu n teng n man shiga shachyam shabra nga ai hpe mu chye lu ai.
Dai nteng nman ai Facebook shiga amyu myu ni hpe Mungshawa law law gaw, kaja wa teng man ai shadu nna myit kahpra, kajawng, myit ung ang nga ai lam hpe mung matut chye lu ai.
KIO Ginjaw gaw galoi mung Karai Kasang kaw akyu hpyi ai hte Mungshawa kaw ningmu shawng la nna she mungdan a magam bungli galaw gun hpai nga ai re, ya aten hta mung KIO Ginjaw Komiti gaw myit hkrum myit ra makai hkak hkak, myit mang mayawn shabawn nna mungdan hte amyu sha lawt lu lam, mungdan ngwipyaw simsa rawt galu kaba lam a matu, mung masa bawngban sa wa lu hkra lam tam shakut shaja nga ai aten re.
Dai re ai majaw, KIO Ginjaw Komiti a ntsa makam n nga hkra, amyu sha myithkrum lam hten bya mat hkra, tai hpyen wa a mungmasa sumprat dawk ai n teng n man ai shiga ni hpe na shut, kam shut ai lam n byin na matu ndau shana dat ai.
KIO Ginjaw
Shiga Magam Dap
