Mungshawa ni hpe TNLA ni kawn zuphpawng woi galaw

Mungmyit Sinli Ga ( Kachin Sub- State ) KIA Dap Ba ( 4 ) Dap Dung ( 8 ) ginra, Man Sa mare na Mungshawa ni hpe TNLA dap ni kawn May praw, 8 ya shani zuphpawng woi galaw ai hta lai wa sai ten Man Sa Awn hte Man Sa Lung mare ni kaw SSPP/ SSA ni hte gasat majan byin ai lam gaw shada yu shut ai majaw ang katut gasat majan byin ai re matut nna n byin hkra anhte TNLA ni sadi na ga ai nga nna zuphpawng kaw tsun sang lang dan ai lam na chye lu ai.

KIA Dap Ba ( 2 ) Dap Dung ( 11 ) ginra hta mung Maran Kahtawng hte Dum Bang mare kaw du nga ai Myen hpyen hpung ni gaw May praw, 8 ya jahpawt hkying 9:00am aten kaw na lai wa lai sa Mungshawa ni hpe lak lai sawk jep nga ai lam shawng lam shi sawk ni kawn chye lu ai.