Mungmyit Sinli Ga ( Kachin Sub-State ) ginra ni hta gasat majan byin
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 9 ) ginra Namhpak Ka shingdu Nam Hping hte Hu Maw lapran kaw May, 16 ya jahpawt hkying 6:40am aten hta Myen hpyen hpung ni hte TNLA ni gasat majan byin ai hta Myen hpyen dap Hk.L.Y ( 123 ) ni kawn Sinat kaba gap bun ai. Shani ka-ang hkying 12:00noon aten hta mung Myen hpyen dap Hk.M.Y ( 324, 507 ) pawng hpawm hpyen hpung ni hte TNLA ni Nam Lum mare kaw matut gasat majan byin ai lam shawng lam shi sawk ni kawn chye lu ai.
May, 16 ya shana daw hkying 4:30pm aten hta Hpau Daw hte Lung Jin mare lapran kaw Myen hpyen dap Dapnu ( 11, 55 ) kata na hpyen hpung ni hpe KIA hpyen hpung ni hkap gap ai kawn gasat majan byin wa ai.
Dai hpang, Zi Hu Hpyet kaw hkying 5:30pm aten hta sha Myen hpyen dap Dapnu ( 11, 55 ) kata na pawng hpawm hpyen hpung ni hte KIA hpyen hpung ni gasat majan matut byin ai lam chye lu ai.
KIA Dap Ba ( 1 ) Dap Dung ( 4 ) ginra, Hpaw Lam Hpya mare baw Udang Tu Kawng mayan kaw du nga ai Myen hpyen hpung ni hpe KIA hpyen hpung kawn May, 16 ya shani hkying 10:04am aten hta sa wang htim gap ai kawn laja lana gasat majan byin ai.
KIA Dap Ba ( 8 ) hta mung Dap Dung ( 26 ) H.Q kaw du nga ai Myen hpyen hpung ni hpe May, 16 ya shani hkying 1:58pm aten hta KIA hpyen hpung ni sa htim gap ai kawn laja lana gasat majan byin wa ai lam chye lu ai.
