KIA Dap Ba ( 2, 4 ) ginra ni hta gasat majan byin

KIA Dap Ba ( 2 ) ginra hta June praw, 1 ya shani Nawng Nyang mare kaw na Sinat kaji kaba gap let shamu shamawt lung wa ai Myen hpyen hpung ni hpe Zup Mai mare kata kaw jahpawt hkying 9:45am aten hte hkying 10:00am aten laman KIA hpyen hpung ni hkap gap dat ai kawn gasat majan byin wa ai lam shawng lam shi sawk ni kawn chye lu ai.

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 17 ) ginra, Loi Dau Ginwang daw kata Man Nak Na Sai mare kaw June praw, 1 ya shani Myen hpyen dap Hk.L.Y ( 369 ) na hpyen hpung ni hte SSPP/SSA Masat ( 436 ) ni gasat majan byin ai lam chye lu ai.