Hpyen yen Mungshawa ni hpe machyoi hpaji sharin ya nga

Mungmyit Sinli Ga ( Kachin Sub-State ) ginra, Dingda Ginwang Ginjaw mayan na hpyen majan a majaw Jawng hkring ra mat ai hpyen yen Ramma ni hpe June praw, 6 ya shani hta Sammung Daw Asuya kawn lit la nna kan bau bungli hte seng ai machyoi hpa ji ni hpe sharin sa mat wa ya na re lam na chye lu ai.

Sharin ya mat wa na shara ni gaw Lashio, Namtu, Kutkai hte Muse shara ni hta sharin ya hpang nga sai lam mung chye lu ai.

KIA Dap Ba ( 8 ) Dap Dung ( 5 ) ginra, Mung Nyang Ginwang kata Da Wai kaw na hpyen yen Mungshawa ni hpe June praw, 5 ya shani Shwi Gu mare na RCM Nawku Hpung ni kawn n-gu buk ( 184 ) hte Sha Sau ( 51 ) sa du garum jaw ai lam na chye lu ai.