Jinghpaw Wunpawng Hpaga Dingga Hpung ni kawn hpyen yen ni a matu alu gumhpraw garum jaw
Myitkyina Muklum, San Columban Cathedral Nawku Jawng kaw June praw, 8 ya shani Du wa Hkamai Tang woi awn ai Jinghpaw Wunpawng Hpaga Dingga Hpung ( Kachin Business Association ) ni kawn hpyen yen Mungshawa ni hkyak hkyak ra kadawn nga ai kaw jai lang na matu Fr.Fransic Daw Tang a lata hta alu gumhpraw sa du garum jaw ai lam na chye lu ai.
June praw, 8 ya shani hkying 2:00pm aten hta sha Myitkyina, Balaminhtin Mali Hka mahkrai kaw Myen hpyen hpung ni kawn lai wa lai sa Mungshawa Modo hte Cycle ni hta htaw ai arung arai ni hpe sawk jep nga ai.
Mu Gawng Myo kata kaw June praw, 8 ya shani Dr. Myo Myit Aung woi awn ai hpung ( National TB Program Mobile Team ) ni kawn Mungshawa marai ( 600 ) jan hpe TB ana rawng n rawng san jep, panyen jep, X-ray gayet nna jep ai hta TB ana mu ai Mungshawa ni hpe tsi htuk jaw ai hte tsi gawn lajang ya nga ai lam chye lu ai.
