Chyeju Shakawn akyu hpyi hpawng lamang galaw
Wunpawng Mungdan Shanglawt Kongsi Ningbaw Kaba Du Daju Jum Nban La a chyeju shakawn hpawng akyu hpyi hpawng lamang hpe June, 12 ya jahpawt hkying 9:00am aten hte hkying 11:00am aten laman Laiza Muklum, Yung Haw Hotel Wang kaw galaw ai re lam chye lu ai.
Zuhpawng lamang galaw ai lam gaw Shangai N’htoi Asak ( 70 ) hpring ladu hkrum ai hte Magam gun ladaw ( 54 ) ning du hkra magam gun nga lu ai majaw Karai Kasang hpe chyeju shakawn akyu hpyi hpawng lamang galaw ai re lam chye lu ai.
Hpawng hta Magam dap, Makan dap shara shagu na magam gun ni hte Mungshawa ni mung sa du shang lawm nna shawa n-gun yawng marai ( 1000 ) jan sa du shang lawm ai lam chye lu ai.
Dai hta, Dukaba hpe shagrau ai hku nna Laiza Muklum Gawdin ginsup pa kaw Laiza Lahta Tsang Jawng, Lapran Tsang Jawng hte Nawng E Hku Sasana Jawng ma ni ginsup shing jawng lamang hta kum hpa ni hpe shagrau sha-a kum hpa ni hpe jau shagrau ai lamang hpe mung galaw ai lam chye lu ai.
