Kamai Byuha Mu wa mare salang ni hpe shaga la nna tsun sadi jaw dat

KIA Dap Ba ( 9 ) Dap Dung ( 6 ) ginra, Kamai Byuha Mu ဗုိလ္မွူးျကီး စုိးၿမင္႔ေအာင္ gaw, July praw 2 ya shani Hpakant lam Kumtsai Zup mare hte Lidu lam Kumtsai Yang mare na salang marai 8 hpe shaga la nhtawm, sadi jaw ga tsun ai lam chye lu ai.

Byuha Mu tsun ai hta, “Nanhte mare mying grai kaba ai, nanhte a mare makau hkan bawm sinat ngoi wa yang, mare de sinat kaba bap bang na, ngai naw nga ai ten hta manghkang nkam byin ai” ngu tsun sadi jaw ai lam chye lu ai.

Ya aten hta Myen hpyen dap ni KIA hpyen dap ni nga ai shara de htu shadut lung wa ai lam nnga tim, Myen hpyen dap a hpyen shamu shamawt lam gaw ding yang naw rai nga ai lam, shawnglam shishawk ni kawn chye lu ai.