Myen hpyen hpung ni sinat hkrup mara gap dumbre bun ai majaw, mungshawa langai pala hkra hkala
Mungmyit Sinli Ga ( Kachin Sub-State ) KIA Dap Ba ( 10 ) Dap Dung ( 17 ) ginra, La-shio maga kawn Lau Kai de lung wa ai Myen hpyenla hte arung arai htaw ai modo ( 40 ) daram gaw, July praw 9 ya shani hkying 1:00pm aten daram hta Nam Um mare makau kaw Kukang MNDAA hpyen hpung ni hkam tawn ai ginra makawp bawm kapaw hkrum ai lam, shawnglam shisawk ni kawn chye lu ai.
Bawm kapaw hkrum ai hta Myen hpyenla marai ( 1 ) si mat nna, lam ding yang sinat kaji kaba gap dumbre bun ai majaw, Nam Um mare na mying nchye ai asak ( 13 ) ning re mungshawa Num sha ( 1 ) pala hkra hkala mat ai. Nam Um mare hte Hka lum mare na mungshawa ni a dum nta hkan pala ram ram hkra hten za mat ai hta Hka lum mare na nta law malawng hten za mat ai lam chye lu ai.
