Du Kaba Namdaw Nuk Gan Madu Yesu hta yup pyaw mat
Wunpawng Mungdan Shanglawt Hpung Ginjaw Komiti Salang, Ginjaw Htunghkying hte Laili Laika Magam Dap Ningtau Lit Hkam KC- 0437 Lat Du Up Jum Hpt. Namdaw Nuk Gan ( Asak 77 ning ) gaw Amyu sha magam bungli ni hpe kangka sadi dung, gunhpai nga ai aten hta hkumhkrang hkamja lam a majaw, Mai Ja Yang mare dum nta kaw tsi tsi nna wa nga ai ten, July 12 ya shana hkying 9:42pm aten hta Madu Yesu hta yup pyaw mat wa sai lam chye lu ai.
Du Kaba gaw shawng de Win Buk ( La Ga ) _ Nawi Ga kaw nga lai wa sai ( Slg. Namdaw Hkawng Zawng hte Jan Zatau Lum Tse ) yan a kasha rai nhtawm kasha La ni mrai ( 4 ) hte kasha Num ni marai ( 4 ) a tsaw ra dik ai chying hkai kawa rai nga ai.
Makoi mayang kyu hpyi hpawng lamang hpe July, 14 ya shani hkying 11:00am aten Mai Ja Yang Lawk ( 3 ) Du Kaba Hpt.Namdaw Nuk Gan a dum nta kaw galaw na re lam chye lu ai.
