Myen hpyen hpung ni htu shadut lung wa ai majaw KIA hpyen hpung ni hte gasat majan byin

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 9 ) ginra, Nam Um hte Di Ma lapran kaw July, 16 ya jahpawt daw hkying 9:20am aten hta Myen hpyen dap Dapnu ( 11 ) kata na hpyen hpung ni laja lana htu shadut lung wa ai majaw KIA hpyen hpung ni hkap shing la gasat ai kawn gasat majan byin wa ai lam chye lu ai.

KIA Dap Ba ( 9 ) Dap Dung ( 6 ) ginra, hta mung July, 15 ya jahpawt daw hkying 6:56am aten hta KIA hpyen hpung ni nga ai Hu Pa Hka hte Woi Bum makau Bum Chyang Bum, Bum Htoi Station Lung Chyat mayan kaw Myen hpyen hpung ni hte KIA hpyen hpung ni gasat majan byin ai.

July, 15 ya shani hta sha, hkying 6:00pm aten hta Ka-Maing mare, Loi Seng mare lahta Je Bu Hku maga de Myen hpyen hpung ni shamu shamawt lung wa ai hpe KIA hpyen hpyen hpung ni hkap gap ai kawn gasat majan byin wa ai lam na chye lu ai.