Myen hpyen hpung hte KIA hpyen hpung ni gasat majan byin

KIA Dap Ba ( 9 ) Dap Dung ( 6 ) ginra, KIA hpyen hpung ni shara la nga ai Hu Pa maga de July, 18 ya jahpawt hkying 7:40am aten hta Myen hpyen dap Hk.L.Y  ( 4 ) hpyen hpung ni htu shadut lung wa ai majaw gasat majan byin ai lam, shawng lam shi sawk ni kawn chye lu ai.

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 34 ) ginra, Hkun Hawng mare na Balawng Amyusha Slg.Kyaw Lu hte Madu jan Aye Mung shan la yan gaw July, 18 ya jahpawt hkying 8:00am aten hta sun de sa ai lam kaw RCSS/SSA ni hkam tawn ai Bom kabye kapaw la ai majaw si sum mat ai lam na chye lu ai.