KIO Ginjaw Komiti kaw nna Ya yang maju jung woi awn galaw nga ai bungli sang lang hpawng galaw

Wunpawng Mungdan Shanglawt Hpung Ginjaw Komiti kaw nna Ya yang maju jung woi awn galaw nga ai bungli hte, Ya ten na masa sat lawat ni hpe sanglang ai hpawng hpe Laiza muklum Sinpraw Majoi manau wang Gawknu kaw June praw, 2 ya jahpawt hkying 9:00am aten hta galaw ai hpe chye lu ai.

Hpawng lamang hpe Laiza bunga Hkalup hpung Rev. Sara Shing Rip kawn hpawng hpaw akyu hpyi woi ya nhtawm, Wunpawng Mungdan Shanglawt Kongsi Ningbaw Malai-1, KIA Dap Awn Daju Dukaba Gunhtang Gam Shawng kaw nna Ya yang Ginjaw kaw nna

Wunpawng Mungdan Shanglawt Hpung Ginjaw Komiti kaw nna Ya yang maju jung woi awn galaw nga ai bungli hte, Ya ten na masa sat lawat ni hpe sanglang ai hpawng hpe Laiza muklum Sinpraw Majoi manau wang Gawknu kaw June praw, 2 ya jahpawt hkying 9:00am aten hta galaw ai hpe chye lu ai.

Hpawng lamang hpe Laiza bunga Hkalup hpung Rev. Sara Shing Rip kawn hpawng hpaw akyu hpyi woi ya nhtawm, Wunpawng Mungdan Shanglawt Kongsi Ningbaw Malai-1, KIA Dap Awn Daju Dukaba Gunhtang Gam Shawng kaw nna Ya yang Ginjaw kaw nna woi awn galaw nga ai bungli hte seng nna sanglang dan ai hta, Myen Asuya ni woi awn galaw na hkyen lajang nga ai Tsa Ban ( 21 ) Panglung Zuphpawng hte seng ai lam, Amyu sha ni a hpyen madung Ka-ni Nanghpam Ninghkap gasat shamyit masing hte seng ai lam ni hpe tsun sanglang dan nhtawm, Matut nna KIO Ninggawn Amu Madu Salang Kaba Kumhtat Hting Nan kaw nna Ya ten na masa sat lawat hte seng nna tsun sanglang dan ai lam, dai hta Amyu sha Rapraw ( NS )  magam bungli hte mungdan simsa lam a matu Myen asuya woi galaw sa wa na Tsa Ban ( 21 ) Panglung zuphpawng a lam ni hpe matut sang lang dan ai hpe chye lu ai.

Ndai hpawng de Laiza muklum na Mungshawa ni, Hpyen yen dabang na Mungshawa ni, Hpu-awn Shalat jawng hte Tsi jawng na jawng ma ni yawng marai ( 1256 ) sa du madat hkam la ai hpe chye lu ai.