Mungshawa ni a Nga dumsu dat rem ai shara hta Myen hpyen dap ni bawm hkam tawn

Mungmyit Sinli Ga ( Kachin Sub-State ) KIA Dap Ba 6 Dap Dung 36 ginra hta shamu shamawt nga ai Hk.L.Y 216 hte 217 dap ni kawn August praw 5 ya shani, Kawng Sahti mare masha ni hpe bawm hkam ai shara de kadai nhkawm sa na matu, sa tsun sadi jaw ai lam na chye lu ai.

Myen hpyen dap ni bawm hkam da ai shara ni gaw, Dung Aw Hkyet hte U Raw Hkyet grup yin hta rai nna, ndai shara hta Kawng Sahti mare masha ni a Nga dumsu ni hpe dat rem ai shara re majaw, hkawmsa hkawmwa yakhkak nga ai lam, buga masha ni kawn chye lu ai.

Laiwa sai shata man 7 hta mung, ndai Myen hpyen hpung ni sha Kawng Sahti mare masha ni a, yi wa hkan nga nna, mare masha ni yi sun sa wa yang hkap gau nhtang kau ai lam chye lu ai.