TNLA, MNDAA pawng hpawm hpyen hpung ni hte Myen hpyen hpung ni gasat majan byin
Mungmyit Sinli Ga ( Kachin Sub-State ), KIA Dap Ba ( 4 ) Dap Dung ( 8 ) ginra, Kutkai Ginwang, Nam Hkai Ninghtawn, Hpakawn Bum hte Kawng Ngawn Bum lapran kaw August, 13 ya shana daw hkying 5:00pm aten hta TNLA, MNDAA pawng hpawm hpyen hpung ni hte Myen hpyen dap Dapnu ( 11,55 ) kata na hpyen n-gun ( 200 ) daram hpung ni gasat gala majan byin ai lam shawng lam shi sawk ni kawn chye lu ai.
August, 14 ya jahpawt hkying 7:05am aten hta mung numdaw kalang mi bai gasat byin ai hta Nampaka Myen hpyen dap Hk.L.Y ( 123 ) hpyen hpung ni kawn gasat majan byin ai shara de 105MM hte 120MM ( 13 ) lang gap bun ai hpe chye lu ai.
Mung Yu mare makau kaw du nga ai Myen hpyen dap Dapnu ( 88 ) kata na hpyen n-gun ( 60 ) daram hpung ni gaw August, 14 ya jahpawt hkying 8:00am aten hta lai wa lai sa Mungshawa ni hte Cycle ni hpe laja lana sawk jep nga ai lam na chye lu ai.
