Wunpawng Mungdan Amyu Shayi masat ninghtoi hte shagrau sha-a hpawng lamang galaw

( 40 ) ning hpring Wunpawng Mungdan Amyu Shayi masat ninghtoi hte shagrau sha-a hpawng lamang hpe August, 18 ya jahpawt hkying 9:00am aten kawn hkyng 11:00am aten laman Laiza Muklum, Sinpraw Majoi Manau wang  gawknu kaw galaw ai lam chye lu ai.

KIO ningbaw malai  ( I ) Du Kaba Sumlut Gun Maw hte Wunpawng Mungdan Shanglawt Amyu Shayi hpung ningbaw, hpawmi Nangzing Kaw Hpang kawn hpawng hpaw mungga shaga ngut ai hpang Amyu Shayi ngu nna hpaw hpang wa ai kawn shaning ( 10, 20, 30, 40 ) ning du hkra magam gun ai Amyu Shayi ningbaw ni hpe shagrau sha-a masat kum hpa ni hpe shagrau ya ai.

Wunpawng Mungdan Shanglawt Amyu Shayi Hpung hpe, laiwa sai 1978 ning August shata 19 ya shani KIO Ginjaw Komiti kaw nna tara shang hpaw masat ya ai re. Ndai masat hpawng hpe Ginjaw ginra, Ginwang Ginjaw hte Ginwang Daw shara shagu hta galaw ai lam chye lu ai.

Hpawng lamang hta KIO Ginjaw Komiti Salang ni, magam dap makan dap shagu na magam gun ni, Wunpawng Mungdan Shanglawt Amyu Shayi hpung ni yawng marai ( 1000 ) jan sa du shang lawm ai.

Dai na hkying 6:00pm aten hta gaw, htunghking ka hkrang shingjawng lamang hte masat shagrau kumhpa ni hpe jaw ai lamang galaw sa wa na lam chye lu ai.