Lai wa lai sa mungshawa ni hpe Myen hpyen dap ni sawk jep

KIA Dap Ba ( 9 ) Dap Dung ( 6 ) ginra, Kamai Byuha kawng kaw nga ai, Hk.L.Y ( 11 ) dap hte Pyi Tu Tsit ( P.T.Ts ) pawnghpawm hpawm hpung ni gaw, August 19 ya shani Nawng San, Lawa lam mazup kaw lai wa lai sa mungshawa ni hpe mungchying masat ( မွတ္ပုံတင္ ) hte phone ni hkan sawk jep nga ai lam, buga masha ni kawn chye lu ai.

August 19 ya shani hta sha KIA Dap Dung ( 6 ) ginra, Ta Mahkan mare kaw nga ai, Hk.L.Y ( 222 ) dap ni, Ta Mahkan mare kawn Gwi Hka maga lung wa ai lam mazup kaw lai wa lai sa mungshawa ni hpe sawk jep ai lam chye lu ai.