Myen hpyen dap kawn Mare masha ni hpe shana Dat Wan nan, nam hkawm ai lam n galaw na matu tsun sadi jaw

KIA Dap Ba ( 2 ) Dap Dung ( 14 ) ginra, Myen hpyen dap Hk.L.Y ( 279 ) hpang lam up ေဇယ်ာေအာင္ gaw August, 23 ya shani hkying 2:00pm aten hta Jahtu Zup mare salang hpe shaga la nna mare masha ni hpe Hk.L.Y ( 279 ) dap hte Deng ( 3 ) grup yin hta, shana dat wan nan nam hkawm ai lam n galaw na matu tsun sadi jaw ai lam nga ai.

Dai hpang, Jahtu Zup mare salang wa gaw Lawk shagu na Lawk salang ni hpe shaga la nna tinang a mare masha ni hpe, shana hkan dat wan nan nam hkawm ai lam n galaw na matu zuphpawng woi galaw tsun sadi jaw ai lam na chye lu ai.