Myen hpyen dap ni lai wa lai sa, mungshawa ni hpe laja lana sawk jep nga
KIA Dap Ba 2 Dap Dung 11 ginra, Myitkyina Ginwang, Mugawng Mile 8 lam braw kaw August 28 ya jahpawt hkying 8:30am aten hta Myen hpyen dap ni kawn lai wa lai sa mungshawa ni hpe laja lana san jep nga ai lam, ginra masha ni kawn chye lu ai.
Mungmyit Sinli Ga ( Kachin Sub-State ) KIA Dap Ba 6 Dap Dung 36 ginra, Muse 105 mile shagyit ( Gate ), Mungbaw hka mahkrai, Namhkai hka mahkrai kaw sin ai Myen hpyenla ni hte Balik ni mung, August 28 ya shani hta lai wa lai sa mungshawa ni a modo/cycle ni hpe jak rai ( Mechinery ) hte lak lai sawk jep nga ai.
KIA Dap Ba 10 Dap Dung 17 ginra, Gang Ming, Loi Dau Ginwang, Na Leng Ninghtawn kata hta shamu shamawt nga ai Myen hpyen dap Dapnu 99 kata na hpyen hpung ni kawn August 28 ya shani Nawng Heng mare hte Man Mau mare na mare salang yan hte masha marai 4 hpe lam madun na matu shaga woi tawn ai lam, buga masha ni kawn chye lu ai.
