Myen hpyen hpung hte KIA hpyen hpung ni numdaw 2 lang laja lana gasat gala majan byin

Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 9 ) ginra, Bum Pri Bum Ginwang Daw, KIA hpyen hpung ni shara la nga ai Bak Noi Bum mare dingsa maga de, Myen hpyen dap, Dapnu ( 88 ) kata na hpyen n-gun ( 80 ) daram htu lung wa ai majaw, August 29 ya shani hkying 12:30pm aten hta Bak Noi Bum mare dingsa makau kaw laja lana gasat gala majan byin ai lam, shawnglam shisawk ni kawn chye lu ai.

Dai na de hkying 6:30pm aten hta mung, daini majan byin ai shara kaw sha numdaw 2 lang ngu na bai gap hkat ai re. Ndai Myen hpyen hpung ni gaw Namhkam maga de na shamu shamawt lung wa ai hpyen hpung ni re.

Myen hpyen hpung ni kawn KIA hpyen hpung ni shara la nga ai de matut htu lung wa jang gasat gala gaw, ding yang byin wa na masa nga ai lam, shawnglam shisawk ni tsun ai kawn chye lu ai.