TNLA hte Myen hpyen hpung ni gasat majan byin

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 17 ) ginra hta September, 13 ya shani Nam Lan Ginwang Daw, Mung Li mare kaw nga ai Myen hpyen hpung ni hpe TNLA hpyen hpung ni sa htim gap ai kawn gasat majan byin ai lam shawng lam shi sawk ni kawn chye lu ai.

Gasat majan byin ngut ai hpang Myen hpyen hpung ni kawn hpyen dap grup yin hkai tawn ai Slg. Tsai Aik Hkam a Hkai Nu sun acres ( 10 ) jan hpe Bulldozer hte ganaw shakrin kau ya ai lam chye lu ai.

KIA Dap Ba ( 2 ) Dap Dung ( 14 ) ginra, Hu Gawng Ginwang, Kawng Ra mare kaw September, 13 ya shani Myen hpyen hpung ni kawn D.K.Ts a matsun hte Mungshawa ni hpe Yi, Sun, Hkauna sa ai hte nam de tam lu tam sha hkawm ai lam tsep kawp n galaw lu na, mu ai shara kaw ahkyak la na ngu laika ndau shana tawn ai lam na chye lu ai.

Ya aten Mungshawa ni tam lu tam sha lam yak hkak jam jau hkrum nga ai lam hpe mung chye lu ai.