Myen hpyen hpung ni hte KIA hpyen hpung ni gasat majan byin
Mungmyit Sinli Ga ( Kachin Sub-State ) KIA Dap Ba ( 10 ) Dap Dung ( 17 ) Headquarter ( H.Q ) maga de, Myen hpyen dap Dapnu ( 99 ) kata na Hk.M.Y ( 420 ) hpyen n-gun ( 80 ) daram shamu shamawt lung wa ai hpe September, 21 ya shani hkying 12:00noon aten hta Nam Hkai Na Leng mare baw Nawng Heng kawng kaw KIA hpyen hpung ni kaw hkap shing la gasat dat ai kawn gasat majan byin wa ai lam, shawnglam shisawk ni kawn chye lu ai.
Nam Hkai Na Leng mare kaw na Mungshawa ni hpe mung, Myen hpyen dap ni KIA ni hpe shiga jaw ai ngu nna jahkrit shama galaw nga ai lam chye lu ai.
KIA Dap Ba ( 2 ) Dap Dung ( 14 ) ginra hta mung, September 21 ya shani hkying 11:30am aten hta Myen hpyen dap Hk.L.Y ( 297 ) ni hte Pyi Tu Tsit ( P.T.Ts ) pawng hpawm ni, Tsan Pya mare hpungkyi jawng shawng kaw lai wa lai sa Mungshawa ni hpe sawk jep ai hte shimlam la shamu shamawt nga ai lam na chye lu ai.
