Myitkyina hta Jinghpaw la sha langai gap sat hkrum
June, 20 ya shana hkying 9:30pm aten daram hta Myitkyina, Njang Kawng သီသာ lawk kaw Slg. De Wa hte Jan Lahtaw Nang Ing yan a kasha Shd. Gum Seng Aung hpe Myen hpyen dap masat ( 727 ) dap na hpyen la lahkawng kawn gap sat kau ai lam
June, 20 ya shana hkying 9:30pm aten daram hta Myitkyina, Njang Kawng သီသာ lawk kaw Slg. De Wa hte Jan Lahtaw Nang Ing yan a kasha Shd. Gum Seng Aung hpe Myen hpyen dap masat ( 727 ) dap na hpyen la lahkawng kawn gap sat kau ai lam chye lu ai.
Myen hpyen la yan tsun ai hta Shd. Gum Seng Aung hte manang marai ( 7 ) gaw shan hpe jawm adup wa nna sinat kashun wa ai majaw shingla ai hku gap kau dat ai re lam, Raitim mung shawa nkau mi, gap sat hkrum ai shadang sha a ningma hpe yu ai shaloi shingdu maga hku masum lang gap hkrum ai re majaw shingla ai nre, nsi si hkra masum lang da sang gap sat ai re nga nna maram ai hpe mung chye lu ai.
Shd. Gum Seng Aung gaw, asak ( 19 ) ning rai nna Computer Dakasu lung taw ai jawng ma re hpe mung chye lu ai.
