Mungmasha ni hpe naimam lawan zing la na matu, Myen hpyen dap ni tsun

KIA Dap Ba ( 2 ) ginra, Danai ဟိန္းေအာင္ sau seng shingdu kaw hkauna galaw sha nga ai, Hugawng Lawk na mungmasha ni hpe October praw 4 ya shani Danai Da Ka Tsa ( D.K.Ts ) kata na hpyen dap ni kawn hkauna mam lawan zingla mu, nanhte hkauna mam zingla ngut jang anhte bungli shang wa ra ai ngu tsun ai lam na chye lu ai.

Ya na zawn Myen hpyen dap ni, naimam ni hpe lawan shu la shangun ai lam gaw, Ja Maw de ginra jasan bai shang hkyen na masa nga ai, ဟိန္းေအာင္ sau seng shingdu de gaw Lapu Hka Ja Maw ni nga ai re lam, Danai buga masha ni tsun ai kawn chye lu ai.

KIA Dap Ba ( 3 ) Dap Dung ( 12 ) ginra, Shwe Gu Ginwang, Mung Leng Ninghtawn, Lin Wa lawu Ja Maw kaw Ja htu sha nga ai mungshawa ni a Ja htuk jak ( 8 ) hpe October praw 5 ya shani, Kung Mahkan kaw shara jahkrat nga ai Hk.L.Y ( 71 ) dap na Major Cho Ko Ko Soe woi awn hpung ni rim la kau ya ai lam, ginra shisawk ni kawn chye lu ai.