TNLA hte Myen Dapnu ( 99 ) kata na hpyen hpung ni gasat gala majan byin

Mungmyit Sinli Ga ( Kachin Sub-state ) KIA Dap Ba ( 4 ) Dap Dung ( 8 ) ginra hta shamu shamawt nga ai, Myen Dapnu ( 99 ) kata na hpyen hpung hte TNLA hpyen hpung ni October shata 10 ya jahpawt hkying 8:15am aten hta Loi Gaw mare hte Man Mau mare lapran Lashap Hkyet kaw gasat gala majan byin ai lam, shawng lam shi sawk ni kawn chye lu ai.

Myen hpyen hpung ni, TNLA hpyen hpung ni nga ai shara de shamu shamawt sa wa ai majaw gasat gala majan byin ai re lam chye lu ai.

KIA Dap Dung ( 8 ) hpyen hpung ni nga ai shara de mung, Myen Dapnu ( 99 ) kata na hpyen n-gun 300 daram kahtep lung wa ai majaw, tinang maga mung maja nga ding yang re lam, KIA Dap Dung ( 8 ) na salang langai tsun dan ai kawn chye lu ai.