Ja htu sha nga ai mungmasha ni a Back-hoe ( 4 ) hpe Myen hpyen dap ni rim la kau

KIA Dap Ba ( 3 ) Dap Dung ( 12 ) ginra, Shwigu Ginwang hta shamu shamawt nga ai Myen hpyen dap ni gaw October shata 16 ya shani hta Sat Kadung Ja maw kaw Ja htu sha nga ai mungmasha ni hpe hkan gau shapraw ai sha n-ga Back-hoe ( 4 ) mung rim la kau ya ai lam na chye lu ai.

Hkaw Tu mare na salang Moe Kyaw Oo a Back-hoe ( 1 ), Wan Bu mare na salang Tin Aye a Back-hoe ( 1 ) hte, Miwa company ni a Back-hoe ( 2 ) rim kau hkrum ai re lam, Ngu Lin Ja maw, Lashawng Ja maw hte Mai Ta Ja maw maga de mung, ginra jasan ai lam matut galaw mat wa na re lam, ginra shi sawk ni kawn chye lu ai.

Lai wa sai October shata 5 ya shani hta mung, Ngu Lin Wa lawu Ja maw kaw Ja htu sha nga ai mungmasha ni a Ja htu jak ( 8 ) hpe mung, Hk.L.Y ( 71 ) dap na Major Cho Ko Ko Soe woi awn hpung ni rim la kau ya ai lam chye lu ai.