KIA hpyen hpung hte Myen hpyen hpung ni gasat majan byin

Mungmyit Sinli Ga ( Kachin Sub-state ) KIA Dap Ba ( 4 ) Dap Dung ( 8 ) ginra, Namhpakka Ginwang, Ga Leng mare kaw nga ai Myen Hpyen Dap hpe October shata 17 ya shana hkying 7:00pm aten hta KIA Dap Dung ( 8 ) hpyen hpung ni sa gap ai kawn gasat gala majan byin ai lam, shawng lam shi sawk ni kawn chye lu ai.

October shata 18 ya jahpawt hkying 2:00am aten hta mung, Myen Hpyen Dapnu ( 99 ) kata na hpyen hpung ni KIA Dap Dung ( 8 ) hpyen hpung ni nga ai shara de shamu shamawt lung ai wa hpe lagaw gang ya ai hku nna, KIA hpyen hpung ni Gun Rang mare lam kaw hkap shingla gasat dat ai kawn gasat gala majan byin ai re lam chye lu ai.