MMA ONE Champion Ja shingkyit hpe numdaw 2 lang Nsang Awng La makawp maga da lu

October 26 ya shana Yangon Muklum kaw galaw ai ONE: PURSUIT Of GREATNESS ginsup poi lamang hta Nsang Awng La hte Mohamed Karaki shan lahkawng ginsup hpang wa ai minute 2 jan aten hta Salang Nsang Awng La htawng dang nna champion Ja shingkyit hpe makawp maga da lu ai lam chye lu ai.

lai wa sai June shata 29 ya shana hta mung, shawng ning nan lang na champion makawp maga poi hpe Japan Mungdan masha Ken Hasegawa hte ginsup ai kaw numdaw 5 lang hta Nsang Awng La ginsup dang makawp maga da lu ai rai nga ai.

Ya na zawn  2 lang na champion Ja shingkyit makawp maga ginsup poi hpe awng dang lu sai Salang Nsang Awng La hpe, Wunpawng Mungdan Shanglawt Hpung Ginjaw Komiti kaw nna shakawn shagrau laika pa hte gumhpraw kyats 20,00,000 ( Sen Lahkawng Tsa ) hpe shagrau sha a jaw ai lam chye lu ai.