TNLA, MNDAA pawng hpawm hpyen hpung hte Myen hpyen hpung ni gasat gala majan byin

Mungmyit Sinli Ga ( Kachin Sub-state ) KIA Dap Ba ( 10 ) Dap Dung ( 2 ) ginra, Manje Ginwang daw, Loi Lem bum mare dingsa kaw November shata 1 ya shani hte 2 ya shani hta TNLA, MNDAA pawng hpawm hpyen hpung hte Myen Dapnu ( 11, 99 ) kata na hpyen hpung ni gasat gala majan byin ai lam, shawng lam shi sawk ni kawn chye lu ai.

Lai wa sai October shata 31 ya shani hta, Kawng Lim mare na salang Maran Brang Tawng asak ( 70 ) ning gaw, Loi Lem bum maga Nga rem sa ai kaw TNLA hpyen hpung ni hkam tawn ai bawm langai baila kapaw la nna, salang wa a lahput kaw hkra hkala ai, Nga dumsu 2 mung dai shara kaw si mat ai lam chye lu ai.

Dai shani hta sha Balawng Ma 1 mung bawm kapaw hkala la nna, Muse maga de shalai dat sai lam, salang langai tsun dan ai kawn chye lu ai.