Hpungtau Lahkru La Doi hpe Myen hpyen dap ni kawa yan ( 100 ) shawa

KIA Dap Ba ( 2 ) Dap Dung ( 14 ) ginra, Kawng Ra Post kaw dap jung shara jahkrat nga ai Hk.M.Y ( 318 ) hpyen dap nhpan hpe November 6 ya shani hta Kawng Ra mare lawk ( 3 ) na Hpungtau Lahkru La Doi a Dumsu ni sa jahten kau ya ai majaw, kawa yan ( 100 ) shawa hkrum ai lam, salang langai shana wa ai kawn chye lu ai.

Mare Uphkang salang wa nnga ang ai majaw, lawk salang hte Hpt. Lahkru La Doi yan hpyen dap de sa nna, kawa yan ( 100 ) gaw hkum di ya, yan ( 50 ) sha di ya u ngu, lawk salang wa tsun ai hpe hkraw ya nna, rai jang gaw 3 ya laman hta sa jaw ra na, hpa kawa raitim mai ai ngu tsun ai majaw, dai ni November 8 ya shani hta kawa yan ( 50 ) hpe sa shaw ya sai lam, salang wa tsun dan ai.

Lai wa sai aten hkan gaw ya na zawn hpyen dap nhpan hpe Nga Dumsu ni ashep jahten ya ai lam gaw nnga ga shi ai ndai lang nambat langai re ai lam, salang wa matut tsun dan ai kawn chye lu ai.