Myen hpyen dap ni Bom jasan na matu Mungshawa ni hpe woi hkawm nga

Myen asuya hpyen dap Hk.L.Y ( 102 ) dap na hpyen hpung ni, Hpakant hte Nam Ya lapran na mare kahtawng kaw nga ai Mungshawa nkau mi hpe July, 9 ya shani kawn Bom jasan jaseng galaw na matu hpyen hpung a shawng kaw

Myen asuya hpyen dap Hk.L.Y ( 102 ) dap na hpyen hpung ni, Hpakant hte Nam Ya lapran na mare kahtawng kaw nga ai Mungshawa nkau mi hpe July, 9 ya shani kawn Bom jasan jaseng galaw na matu hpyen hpung a shawng kaw woi hkawm ai lam chye lu ai. Bom jasan jaseng woi ai kaw nhkan ai mare ni hpe mung wan nat jahten kau ya na nga nna tsun jahkrit ai hpe na chye lu ai.

Dai hpyen hpung ni gaw KIA ni nga ai Loi Me Bum de July, 9 ya jahpawt hkying 8:55am aten hta 120mm laknak kaba hte ( 7 ) lang gap bun nhtawm, Mungshawa ni hpe shingga shatai let KIA hpyen hpung ni nga ai ginra de shamu shamawt hkawm nga ai lam chye lu ai.

Nam Ya Sabaw Maw mare kaw nga ai Slg. Seng Awng ( asak-28 ning ) hpe mung dai hpyen hpung ni kawn mara kata adup zingri da ai lam na chye lu ai.