TNLA, SSPP pawng hpawm hpyen hpung hte Myen hpyen hpung ni gasat gala majan byin
TNLA, SSPP pawng hpawm hpyen hpung ni shamu shamawt nga ai shara, Nam Du Ginwang, Pang Saw mare makau kaw November shata 28, bat hpang 3 ya jahpawt hkying 6:30am aten kawn shana maga hkying 4:00pm aten du hkra, TNLA, SSPP pawng hpawm hpyen hpung hte Dapnu 77 kata na Hk.M.Y 313 hpyen hpung ni laja lana gasat gala majan byin ai lam, shawng lam shi sawk ni kawn chye lu ai.
Ndai Nam Du Ginwang hta gaw TNLA, SSPP pawng hpawm hpyen hpung ni hte RCSS hpyen hpung ni gasat gala majan byin nga ai shara mung rai nga ai.
November 28 ya shani hta sha, TNLA Dap Ba 1 ginra, Man Dung Ginwang, Man Pying mare makau kaw mung, TNLA hpyen hpung hte Myen Dapnu 88 kata na Hk.M.Y 481 hpyen hpung ni gasat gala majan byin ai.
Myen hpyen hpung ni gaw, TNLA hpyen hpung ni shara jahkrat nga ai shara de shamu shamawt htu lung wa ai majaw gasat gala majan byin ai re lam chye lu ai.
