KIA Ginjaw Shimlam ni hte Myen asuya hpyen hpung ni laja lana gasat gala majan byin
KIA Dap Ba ( 5 ) npu Dap Dung ( 18 ) ginra , Nam San Yang lawu Lazing Kawng mare kaw Myen asuya hpyen dap Hk.L.Y ( 51 ) dap na hpyen hpung ni hte KIA Ginjaw Shimlam hpyen hpung ni June, 28 ya shana daw hkying 2:30pm aten hta laja lana gasat gala majan byin ai lam chye lu ai.
Majan byin nga ai ten Loi Lum Aung Ja, Dumbang Bum hkan nga ai Myen asuya hpyen hpung ni kawn KIA Ginjaw Shimlam ni nga ai Ban Dawng maga hte gasat gala majan byin nga ai shara de
KIA Dap Ba ( 5 ) npu Dap Dung ( 18 ) ginra , Nam San Yang lawu Lazing Kawng mare kaw Myen asuya hpyen dap Hk.L.Y ( 51 ) dap na hpyen hpung ni hte KIA Ginjaw Shimlam hpyen hpung ni June, 28 ya shana daw hkying 2:30pm aten hta laja lana gasat gala majan byin ai lam chye lu ai.
Majan byin nga ai ten Loi Lum Aung Ja, Dumbang Bum hkan nga ai Myen asuya hpyen hpung ni kawn KIA Ginjaw Shimlam ni nga ai Ban Dawng maga hte gasat gala majan byin nga ai shara de laknak kaba hte laja lana nhkring nsa gap sharu bun ai lam chye lu ai.
Dai majan byin ai shara de hpyen n-gun garum lung wa Hk.M.Y ( 382 ) dap na hpyen hpung ni hte mung KIA hpyen hpung ni Chyahkya Hka grup yin kaw gasat gala majan byin ai lam chye lu ai.
Ya na zawn gasat gala majan byin ai gaw Myen asuya hpyen dap ni hpyen shamu shamawt hkawm nna KIA Ginjaw Shimlam ni nga ai shara de tawt lai shang wa ai majaw ang katut ai kawn laja lana gasat gala majan ai re lam, dai majan hta KIA maga na si, hkala nnga ai rai nna Myen asuya hpyen maga na Si hkala masha law ai lam na chye lu ai.
