71 ning hpring Jinghpaw Mungdaw masat ninghtoi manau poi galaw
71 ning hpring Jinghpaw Mungdaw masat ninghtoi manau poi hpe Jinghpaw Mungdaw Asuya ni woi awn nhtawm, Wunpawng Htunghking Hpung Ginjaw hte jawmpawng let, 2019 January shata 10 ya shani kaw nna 12 ya shani du hkra, masum ya tup Myitkyina Shatapru manau wang kaw galaw nga ai lam chye lu ai.
Manau nau ai lamang hpe lahkawng ya tup galaw na rai nna, ginsup ai lamang ni, yu ngwi lamang ni, Manau shayi lata ai lamang ni hte Baw Sang kru a Htunghking ka hkrang ni hpe galaw sa mat wa na hte kaga Myen, Sam myusha ni a ka hkrang ni mung shanglawm mat na re.
Manau poi hta Myen Mung a hpaji jaw salang Aung San Suu Kyi hte Asuya Salang ni mung, wa du shawnglawm ai.
71 ning hpring Jinghpaw Mungdaw masat ninghtoi hpawng lamang hpe Manmaw Muklum, Hpakant Mawwan nlung shadaw masat wang ni hta galaw nga ai hte laga shara hkan e mung galaw nga ai lam na chye lu ai.
Lai wa sai 1948 ning January praw 4 ya shani English kaw na Myen Mung Shanglawt lu ai 6 ya na ai hpang January 10 ya shani hta Jinghpaw Mungdaw hpe masat daidaw la ai re. Dai shani kaw na Jinghpaw Mungdaw ninghtoi ngu masat hpang wa ai 2019 ning hta gaw 71 ning hpring sai re lam chye lu ai.
