MNDAA hte TNLA pawnghpawm hpyen hpung ni Myen hpyen dap hte laja lana gasat gala majan byin
Mung Myit Shinli Ga ( Kachin Sub-State ) Hung Du Lin hte Bang Lum Bum lapran kaw MNDAA hte TNLA hpyen hpung ni June, 26 ya shana daw hkying 4:30pm aten hta Loi Hkang mare maga de na lung wa ai Myen asuya hpyen dap Tattma
Mung Myit Shinli Ga ( Kachin Sub-State ) Hung Du Lin hte Bang Lum Bum lapran kaw MNDAA hte TNLA hpyen hpung ni June, 26 ya shana daw hkying 4:30pm aten hta Loi Hkang mare maga de na lung wa ai Myen asuya hpyen dap Tattma ( 99 ) kata na hpyen hpung ni hte gasat gala majan byin ai lam chye lu ai.
Matut nna June, 27 ya jahpawt hkying 5:00am aten hta mung kalang bai gasat gala byin ai majaw MNDAA hte TNLA pawnghpawm hpyen hpung ni Sak Hkung Hka hte Mung Ji ginwang shara ni hta shara jahkrat nga ai hpe chye lu ai.
Kyauk Me ( ေက်ာက္မဲ ), Pa Lai ( ပလိုင္ ) mare hte Nyawng Mawng ( ေညာင္ေမာင္း ) mare lapran kaw mung, TNLA hpyen dap Masat ( 666 / 593 ) dap na hpyen hpung ni hte Myen asuya hpyen hpung ni June, 27 ya shani hkying 11:45am aten kawn shana de hkying 6:30pm aten daram du hkra gasat gala majan byin ai lam, dai hpang shana hkying 9:15pm aten kawn hkying 10:40pm aten du hkra numdaw mi bai gasat gala majan byin ai lam chye lu ai.
Pan Tsung ( ပန္စံု ) mare makau kaw nga ai TNLA hpyen dap masat ( 717 ) dap na hpyen hpung ni hte mung, shana hkying 10:15pm kaw na hkying 11:35pm aten du hkra kalang ta shara masum hta Myen hpyen hpung ni hte laja lana gasat gala majan byin ai lam na chye lu ai.
