Ta-ang Amyu Shayi Ginjaw a Shi sang lang hpawng pat hkrum
“ ညႇဥ္းပန္းႏွိပ္စက္ရန္ ေလ့က်င့္ထားသူမ်ား ” ngu ga baw jaw da ai Shi sanglang hpawng galaw na masing hpe Asuya ni kaw nna lahkawng lang du hkra ahkang pat hkum kau ya lam Ta-ang Amyu Shayi Ginjaw kaw nna tsun ai hpe chye lu ai.
June, 25 ya shani Yangon mare Orchid Hotel hta galaw na matu Shi Sawk ni hpe ndau shaga tawn ai raitim Myen asuya kaw nna pat hkum kau ya ai lam, Maut nna June, 27 ya shani Excel Treasure Hotel hta
“ ညႇဥ္းပန္းႏွိပ္စက္ရန္ ေလ့က်င့္ထားသူမ်ား ” ngu ga baw jaw da ai Shi sanglang hpawng galaw na masing hpe Asuya ni kaw nna lahkawng lang du hkra ahkang pat hkum kau ya ai lam Ta-ang Amyu Shayi Ginjaw kaw nna tsun ai hpe chye lu ai.
June, 25 ya shani Yangon mare Orchid Hotel hta galaw na matu Shi Sawk ni hpe ndau shaga tawn ai raitim Myen asuya kaw nna pat hkum kau ya ai lam, Maut nna June, 27 ya shani Excel Treasure Hotel hta bai galaw hkyen ai hpe mung ahkang njaw ai hpe na chye lu ai.
Dai Shi sanglang hpawng hta 2011 ning kaw nna 2016 ning laman TNLA uphkang ginra hta Myen asuya hpyen dap ni Mungshawa ni hpe roi rip zingri ai, shinggyim ahkaw ahkang tawt lai ai lam ni hpe “ ညႇဥ္းပန္းႏွိပ္စက္ရန္ ေလ့က်င့္ထားသူမ်ား ” ngu ga baw jaw nhtawm ka tawn ai laika buk hpe Shi sang lang hpawng hta shabra na shajin tawn ai lam hpe chye lu ai.
Ta-ang Myu Shayi Ginjaw kaw na tsun ahkang lu Hpawmi langai tsun ai hta ndai Shi sanglang hpawng gaw Asuya hpe ninghkap mayu ai majaw galaw ai n re, Shingyim ahkaw ahkang tawt lai hkrum ai ni, mazut roi rip hkrum ai ni hpe tengman tara rap ra ai lam lu hkra sakse hte hkrak tang madun da ai lam re. Ya na zawn pat hkum ai lam gaw Asuya nnan lakhtak hta mung Shiga hpe wanglu wanglang garai nlu jai lang ai lam dan leng ai re nga nna tsun maram da ai hpe mung chye lu ai.
