Mung shawa marai mali hpe myen balik ni rim ahkyak la
Manmaw kaw nga ai mung shawa marai mali hpe 14,1,2019 ya jahpawt 9:00 am aten hta balik dap ni kawn shaga la nna ahkyak la da ai lam buga masha langai tsun dan ai kaw na chye lu ai.
Ahkyak la da hkrum ai mung shawa marai mali ni gaw, manmaw wan jak kawng na slg.Gaw lu hpang wa,manmaw deng 3 na slg.Jang ma Ding yawm,Rcm hpung sara Jangma Tu Mai + Jan Nhkum lu bu ni re lam chye lu ai.
Lai wa sai hpyen Asuya up hkang ai ten hta manmaw deng 3 na masat manga matut mahkai hpyen dap ni gaw mung shawa ni a dum nta lamu ga sun wang ni hpe zing la nna hpyen dap wang kum la kau ai re.Dai zing la hkrum ai hta slg.Gaw lu hpang wa, slg.Jang ma Ding yawm,Rcm hpung sara Jangma Tu Mai + Jan Nhkum lu bu ni a lamu ga ni mung lawm mat ai.
Ndai shara ni hpe bai lu la na matu Asuya lak htak shagu hta shakut yu tim hpa mahtai nlu ai.Maning 2018 hta gaw shanhte a nta wang hpe shanhte nan bai sa kum, nam hkyen jasan ai lam galaw ai.14,1,2019 hta gaw dai shara madu ni hpe balik ni shaga la nna hkyuk htawng de rim bang ai lam galaw ai, nga nna buga na salang langai tsun dan ai.
Ya aten hta dai rim hkrum ai manmaw wan jak kawng na slg.Gaw lu hpang wa,manmaw deng 3 na slg.Jang ma Ding yawm,Rcm hpung sara Jangma Tu Mai + Jan Nhkum lu bu ni hpe ပုဒ္မ(၆၁/၄၄၇) hte tara jawat da nna 28 January 2019 hta tara rung kawn jep joi na re lam salang wa matut tsun ai kawn chye lu ai.
