Myen hpyen dap ni KIA ginra shara shagu de laknak kaji kaba hte gap bun nna jahte tam nga
KIA Dap Ba ( 3 ) npu Dap Dung ( 15 ) ginra, Dum Bang Bum kaw du nga ai Myen asuya hpyen dap Hk.M.Y ( 320 ) dap ni kawn August, 8 ya shani, KIA ni dap jung shara jahkrat nga ai Maru Bum post de 79mm laknak kaba hte lahkawng lang gap bun ai lam, Bai KIA Zai Ladat ( 204 ) post de mung
KIA Dap Ba ( 3 ) npu Dap Dung ( 15 ) ginra, Dum Bang Bum kaw du nga ai Myen asuya hpyen dap Hk.M.Y ( 320 ) dap ni kawn August, 8 ya shani, KIA ni dap jung shara jahkrat nga ai Maru Bum post de 79mm laknak kaba hte lahkawng lang gap bun ai lam, Bai KIA Zai Ladat ( 204 ) post de mung laknak kaba hte ( 8 ) lang gap bun ai lam na chye lu ai.
Bai nna, KIA Ginjaw Ginra hkan wa du nga ai Myen hpyen dap Hk.M.Y ( 388 ) dap ni kaw na mung August, 8 ya shani KIA ( 256 ) Dap Nawng Dap Dung, Dap Kung ( 1 ) ni nga ai Rubber Kawng post maga de laknak kaba 60mm, sinat kaji ni hte jahte tam gap bun ai lam na chye lu ai.
KIA Dap Nawng Dap Dung hpyen hpung ni nga ai Naw Gu maga de mung 81mm hte ( 3 ) lang gap bun ai lam na chye lu ai.
Matut nna, August, 8 ya shani KIA Dap Ba ( 2 ) npu Dap Dung ( 14 ) ginra, Mung Hkawm Pa kaw du nga ai Myen asuya hpyen hpung ni kawn KIA ni nga ai Noi Je Bum maga de laknak kaba hte ( 17 ) lang gap bun ai lam chye lu ai.
Matut nna, Ka Mai Byu Ha Kawng kaw nga ai Myen hpyen dap ni kaw na mung, KIA ni shara jahkrat nga ai Loi Nawng Hku maga de 81mm laknak kaba hte ( 15 ) lang gap bun ai lam na chye lu ai.
Ndai laman hta Myen asuya hpyen dap ni, KIA ginra de hpyen n-gun ni jat bang nga nna laknak kaji kaba ni hte mung dingyang jahte tam gap bun ai hpe na chye lu ai.
