TNLA hpyen hpung hte Myen hpyen hpung ni gasat gala majan byin
TNLA hpyen hpung hte Myen hpyen dap Dapnu 88 kata na hpyen hpung ni February shata 17 ya shani Namhkam Myo Namtsan mare makau kaw gasat gala majan byin ai lam na chye lu ai.
TNLA hpyen hpung ni shara jahkrat nga ai Namtsan mare maga de Myen hpyen hpung ni shamu shamawt htu lung wa ai majaw gasat gala majan byin ai re lam TNLA shiga lawk kawn chye lu ai.
Myen hpyen dap kaw nna lai wa sai 2018 ning December shata 21 ya shani hta Sammung hte Jinghpaw Mung na ginwang ginjaw shara 5 hta hpyen shamu shamawt ai lam hpe shata 4 gan jahkring na matu ndau shabra laika shapraw da sai re.
Ndau laika shapraw ngut ai hpang TNLA hpyen hpung hte Myen hpyen dap ni 3 lang gasat gala majan byin ai sha n ga Kokang MNDAA hpyen hpung ni hte mung gasat gala majan byin nga ai lam chye lu ai.
