Shawng nnan lang na Rudi Amyusha Ramma ni a hkrumzup bawngban hpawng galaw

Myen mungdan kata shanu nga ai Rudi Amyusha Ramma ni a shawng nnan lang na hkrumzup bawngban hpawng kaba hpe July, 27 ya shani kawn 31 ya shani du hkra Sammung, Pang Lung mare hta galaw nga ai re lam chye lu ai.

Dai hpawng hta saw shaga da ai Rudi Amyusha shagu na Ramma Hpa-awn daw marai ( 700 ) jan sa du nna Myen mung asuya kawn woi awn galaw na Tsaban ( 21 ) Panglung Zuphpawng hta

Myen mungdan kata shanu nga ai Rudi Amyusha Ramma ni a shawng nnan lang na hkrumzup bawngban hpawng kaba hpe July, 27 ya shani kawn 31 ya shani du hkra Sammung, Pang Lung mare hta galaw nga ai re lam chye lu ai.

Dai hpawng hta saw shaga da ai Rudi Amyusha shagu na Ramma Hpa-awn daw marai ( 700 ) jan sa du nna Myen mung asuya kawn woi awn galaw na Tsaban ( 21 ) Panglung Zuphpawng hta Rudi Amyusha Ramma ni gara daw maga hku na shanglawm lu na ngu ai lam hte Mungdaw nlu ai Rudi Amyusha ni gaw tinang a ra sharawng ai lam hpe rap ra ai hku gara ladat hte tang madun sa wa na ngu ai lam ni hpe bawngban ai re lam chye lu ai.

Hpawng hta Rudi Amyusha laknak lang rawt malan Wuhpung Ningbaw ni hpe saw shaga nhtawm ya aten na myen mung a masa lam, NCA lekmat a lam, Federal Munghpawm masa lam hte Panglung ga sadi a lam ni tsun sanglang bawngban ai hpe mung chye lu ai.

Rudi Amyusha Ramma ni kawn shawng nnan na Panglung ga sadi lekmat hta myit hkrum tawn ai lam ni hpe ta tut hta hpa mung galaw ai lam n nga ai majaw ya galaw na Tsaban ( 21 ) Panglung Zuphpawng a ntsa myit makam n nga ai lam tsun dinglun ai ni mung nga ai hpe chye lu ai.

Dai hpawng hta ( ကခ်င္၊ ကယား၊ ကရင္၊ ခ်င္း၊ မြန္၊ ဗမာ၊ ရခိုင္၊ ရွမ္း ) hte kaga Amyusha ( 30 ) jan mung sa du ai re lam, Jinghpaw Wunpawng Ramma ni gaw marai ( 38 ) sa du bawngban lawm nga ai lam hpe mung chye lu ai.