Dap Dung ( 9 ) hte Dap Dung ( 11 ) ginra hta gasat gala majan byin
Mung Myit Sinli Ga ( Kachin Sub-State ), KIA Dap Ba ( 4 ) Dap Dung ( 9 ) ginra Ganghai, Loi Mawk mare maga de lung wa ai Myen hpyen dap Tatma ( 99 ) kata na hpyen n-gun ( 60 ) daram hte KIA hpyen hpung ni August, 23 ya shani hkying 11:30am aten kawn
Mung Myit Sinli Ga ( Kachin Sub-State ), KIA Dap Ba ( 4 ) Dap Dung ( 9 ) ginra Ganghai, Loi Mawk mare maga de lung wa ai Myen hpyen dap Tatma ( 99 ) kata na hpyen n-gun ( 60 ) daram hte KIA hpyen hpung ni August, 23 ya shani hkying 11:30am aten kawn hkying 12:30am aten du hkra gasat gala majan byin ai lam na chye lu ai.
Bai, Mu Gawng, Namti maga kaw na Danai maga de hpyen n-gun jat lung wa ai Myen hpyen modaw ni hpe KIA Dap Dung ( 11 ) kata na hpyen hpung ni August, 24 ya jahpawt hkying 9:00am aten hta Lidu lam ntsa Dum Bung mare baw kaw bom hte hkap shingla gasat ai lam na chye lu ai.
Bom hte hkap gasat ai hta Myen hpyen hpung ni hkala ai lam nga ai majaw Namti na modaw hte tsi sara ni lung wa ai hpe mung na chye lu ai.
