KIA hte Myen Dapnu 99 hpyen hpung ni numdaw 4 lang laja lana gasat majan byin

Mungmyit Sinli Ga ( Kachin Sub-state ) KIA Dap Ba 6, Dap Dung 9 ginra, Nawng Chyu Bum lagaw post kaw March shata 12 ya jahpawt hkying 9:27am aten kaw nna shana hkying 6:30pm aten du hkra KIA hpyen hpung ni hte Myen Dapnu 99 hpyen hpung ni numdaw 4 lang laja lana gasat majan byin ai lam chye lu ai.

Ndai post kaw anhte kaw na ni laning mi jan dap jung shara jahkrat nga ai re. Myen hpyen hpung ni n gun 200 daram hte Daknai maga kaw nna anhte ni nga ai shara de htu lung wa ai majaw hkap shingla gasat dat ai re. Nga nna shawng lam na Salang langai shana wa ai.

Ya aten hta Myen hpyen dap ni, gasat gala majan byin ai shara de hpyen n gun jat na matu Man Yen mare kaw du taw nga sai majaw gasat gala majan gaw matut byin wa mai ai lam buga masha ni kawn chye lu ai.